Tölfræðin uppfærð

Það er búið að uppfæra tölfræðina fyrir Islantilla-golfvöllinn með tölum fyrir árið 2005. Helstu breytingar milli áranna 2004 og 2005 eru:

Holur 1-9: Meðalskorið fór úr 55,84 höggum í 52,30 högg. Árangur á holum 1, 5, 6, 7, 8 og 9 batnar en árangur á holum 2, 3 og 4 versnar milli ára.

Holur 10-18: Meðalskorið fór úr 53,87 höggum í 48,84 högg. Árangur á öllum holum árið 2005 er betri en árið 2004.

Holur 19-27: Meðalskorið fór úr 52,72 höggum í 47,76 högg. Árangur á öllum holum nema 21. holu er betri árið 2005 heldur en árið 2004.

Nú er bara spurning hve mikið við eigum eftir að bæta okkur á næsta ári.

Islantilla 2006

Það er orðið ákveðið að við förum á Islantilla næsta vor, við förum út 18. apríl og komum heim 27. apríl. Við verðum heldur fleiri en síðast en lokatalan er ekki alveg komin á hreint. Í framhaldinu má búast við endurbótum á Islantilla-síðunni okkar þar sem munu koma inn nýjar myndir og uppfærð tölfræði.

Vorferðin 2006

Það fer að koma að því að við tökum ákvörðun um hvert verður haldið til að spila golf næsta vor. Líklegast er að við veljum 9 daga ferð með brottför frá Íslandi 19. apríl 2006. Þeir staðir sem koma helst til greina eru:

Islantilla (með 2 dagsferðum á aðra golfvelli)
Matalascanas
El Rompido
Villa Sol
Valle del Este

Hafa menn einhverja skoðun á þessu?